മലപ്പുറം: മുസ്‌ലിംലീഗ് സംസ്ഥാന അധ്യക്ഷനായിരുന്ന പാണക്കാട് പി.എം.എസ്.എ പൂക്കോയതങ്ങള്‍ തലമുറകളെ സംതൃപ്തമാക്കിയ നേതാവായിരുന്നുവെന്നു മലപ്പുറം ഓപ്പണ്‍ ഫോറം സംഘടിപ്പിച്ച പൂക്കോയ തങ്ങള്‍ സ്മരണാ സംഗമം അഭിപ്രായപ്പെട്ടു. സാമൂഹിക-സാംസ്‌കാരിക നേതാക്കളും പ്രവര്‍ത്തകരും പങ്കെടുത്ത പരിപാടി തലമുറകളുടെ സംഗമ വേദിയായി. മലപ്പുറം ജില്ലാ മുസ്‌ലിംലീഗ് പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങള്‍ ഉദ്ഘാടനം ചെയ്തു. ഓപ്പണ്‍ ഫോറം ചെയര്‍മാന്‍ സി.പി സൈതലവി ആമുഖ പ്രഭാഷണം നിര്‍വഹിച്ചു. കൊളത്തൂര്‍ ടി മുഹമ്മദ് മൗലവി അധ്യക്ഷനായി. പാണക്കാട് അബ്ബാസലി ശിഹാബ് തങ്ങള്‍ പ്രാര്‍ഥനയ്ക്കു നേതൃത്വം നല്‍കി. പി.കെ ഹൈദ്രുഹാജി, സി.ഇസ്മാഈല്‍, ആനമങ്ങാട് മുഹമ്മദ്കുട്ടി ഫൈസി, ടി.പി അഷ്‌റഫലി, സലാംഫൈസി ഇരിങ്ങാട്ടിരി, വി.കെ കുഞ്ഞിപ്പ, കെ.ഗഫൂര്‍, കെ.പി ശംസുദ്ദീന്‍ മാസ്റ്റര്‍, കെ.എം അബ്ദുല്‍ഗഫൂര്‍, എ.കെ മുസ്തഫ തിരൂരങ്ങാടി, യു.എ ഷബീര്‍, ഫരീദ് റഹ്മാനി, അഫ്‌സല്‍, നെല്ലിക്കുത്ത് അബ്ദുറഹ്മാന്‍ മുസ്‌ലിയാര്‍, വി.കെ.എം ഷാഫി സംസാരിച്ചു. വി. മുസ്തഫ സ്വാഗതവും പി.എ സലാം നന്ദിയും പറഞ്ഞു.