കല്ലൂര്‍: പുഴയിലും ദേശീയ പാതയോരത്തും മാലിന്യം നിക്ഷേപിക്കുന്നതായി പരാതി.
സുല്‍ത്താന്‍ ബത്തേരി-മുത്തങ്ങ റോഡില്‍ കല്ലൂര്‍ ടൗണിന് സമീപം പുഴയോരത്തും ദേശീയപാതയോരത്തുമാണ് വ്യപകമായി മാലിന്യനിക്ഷേപം നടത്തുന്നത്. ചാക്കുകളിലും കവറുകളിലും നിറച്ച മാലിന്യം രാത്രിയുടെ മറവിലാണ് ഇവിടെയെത്തിച്ച് വലിച്ചെറിയുന്നത്. കോഴി വില്‍പ്പനശാലകളില്‍ നിന്നും ബാര്‍ബര്‍ ഷോപ്പുകളില്‍ നിന്നുമുള്ള മാലിന്യങ്ങളാണ് ഇവിടെ നിക്ഷേപിക്കുന്നതില്‍  ഏറെയും. മാലിന്യത്തില്‍ നിന്നും അസഹനീയമായ ദുര്‍ഗന്ധം വമിക്കുന്നത് കാരണം ഇതുവഴി സഞ്ചാരിക്കാന്‍ പറ്റാത്ത അവസ്ഥയാണ്. മാലിന്യനിക്ഷേപം വ്യാപകമായിട്ടും ഇതു തടയുന്നതിനുള്ള നടപടികള്‍ അധികൃതരുടെ ഭാഗത്ത് നിന്നുണ്ടാകാത്തതിനെതിരേ പ്രതിഷേധം ശക്തമാണ്.