പയ്യന്നൂര്‍: വേനല്‍ കടുത്തതോടെ കുടിവെള്ള പ്രശ്‌നം രൂക്ഷമായ രാമന്തളി വടക്കുമ്പാടിലെ നിരവധി കുടുംബങ്ങള്‍ക്ക് ആശ്വാസമേകി മുസ്‌ലിം ലീഗ് പ്രവര്‍ത്തകര്‍ കുടിവെള്ള വിതരണം തുടങ്ങി. രാമന്തളി ശാഖാ മുസ്‌ലിം ലീഗിന്റെ കീഴിലുള്ള സയ്യിദ് മുഹമ്മദലി ശിഹാബ് തങ്ങള്‍ റിലീഫ് സെല്ലിന്റെ നേതൃത്വത്തിലാണ് കുടിവെള്ള വിതരണം ആരംഭിച്ചത്.
പ്രദേശത്തെ മുതിര്‍ന്ന പൗരന്മാരായ കെ.വി അബ്ദുല്‍ റഹ്മാന്‍ ഹാജി, സി.കെ അഹമ്മദ് ഹാജി എന്നിവര്‍ ചേര്‍ന്ന് കുടിവെള്ള വിതരണം ഉദ്ഘാടനം ചെയ്തു. ചൂളക്കടവിന് സമീപം നടന്ന ചടങ്ങില്‍ റിലീഫ് സെല്‍ ചെയര്‍മാന്‍ സി.കെ അഹമ്മദ് ഹാജി അധ്യക്ഷനായി. നേതാക്കളായ പി.എം ലത്തീഫ്, കെ.പി അഹമ്മദ് ഹാജി, ചിറയില്‍ അഷ്‌റഫ്, പി.പി മുഹമ്മദലി, കെ. അബ്ദുല്‍ ഖാദര്‍, ആബിദ റഫീഖ് സംസാരിച്ചു.