തിരുവനന്തപുരം: വിഴിഞ്ഞത്ത് ഗൃഹനാഥനെ വീട്ടില്‍ കയറി കൊലപ്പെടുത്തിയ കേസില്‍ രണ്ടു പേര്‍ അറസ്റ്റില്‍. ഫോര്‍ട്ട് അസിസ്റ്റന്റ് കമ്മീഷണര്‍ സുധാകരന്‍ പിള്ളയുടെ നേതൃത്വത്തില്‍ തമിഴ്‌നാട്ടില്‍ നിന്നാണ് ഇവരെ അറസ്റ്റ് ചെയ്തത്. കൊലപാതക ശേഷം ഇവര്‍ ഒളിവിലായിരുന്നു. കഴിഞ്ഞ വ്യാഴാഴ്ച പുലര്‍ച്ചെയാണ് പൂങ്കുളത്ത് മേരിദാസിനെ ഒരു സംഘം വീട്ടില്‍ കയറി വെട്ടിക്കൊലപ്പെടുത്തിയത്. അക്രമത്തില്‍ ഗുരുതരമായി പരുക്കേറ്റ ഭാര്യ ഷീജ തിരുവനന്തപുരം മെഡിക്കല്‍ കോളെജില്‍ ഗുരുതരാവസ്ഥയില്‍ ചികിത്സയിലാണ്. ഇതുവരെ പൊലിസിന് ഇവരുടെ മൊഴിയെടുക്കാന്‍ സാധിച്ചിട്ടില്ല.