പെരിന്തല്‍മണ്ണ: സംസ്ഥാനതല ഖിസ്സപ്പാട്ട് സംഗമം നാളെ വൈകീട്ട് ഏഴിന് കരിങ്കല്ലത്താണി നെല്ലിപ്പറമ്പ് സഹ്‌റാബാദില്‍ നടക്കും. കേരളത്തിലെ പ്രശസ്തരായ കാഥിക, ഗായകര്‍ പങ്കെടുക്കും.
കരിങ്കല്ലത്താണിയില്‍ അല്‍ ഖൈര്‍ ഫൗണ്ടേഷന് കീഴില്‍ ഉദ്ഘാടനം ചെയ്യപ്പെടുന്ന സഹ്‌റാബത്തൂല്‍ വനിതാ ഹിഫ്‌ളുല്‍ ഖുര്‍ആന്‍ കോളജ് കമ്മിറ്റിയാണ് ഈ വര്‍ഷത്തെ സംഘാടകര്‍. ഇതോടനുബന്ധിച്ച് സംസ്ഥാനതല ഖിസ്സപ്പാട്ട് മത്സരം, പൂര്‍വകാല കാഥികരെ ആദരിക്കല്‍ എന്നിവയും നടക്കും.
പാണക്കാട് സയ്യിദ് മുഈനലി ശിഹാബ് തങ്ങള്‍ ഉദ്ഘാടനം ചെയ്യും. സമസ്ത ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍ അധ്യക്ഷനാകും. മഞ്ഞളാംകുഴി അലി എം.എല്‍.എ മുഖ്യാതിഥിയാകും.
വാര്‍ത്താ സമ്മേളനത്തില്‍ സയ്യിദ് ഒ.എം.എസ് തങ്ങള്‍ നിസാമി മേലാറ്റൂര്‍, നാലകത്ത് റസാഖ് ഫൈസി, സിദ്ദീഖ് ഫൈസി അമ്മിനിക്കാട്, കെ.കെ വീരാന്‍കുട്ടി നെല്ലിപ്പറമ്പ്, സിദ്ദീഖ് മണലടി സംബന്ധിച്ചു.