വാഷിങ്ടണ്‍: കൊവിഡ് വ്യാപനം കാരണം വിവിധ രാജ്യങ്ങളാകെ നിയന്ത്രണത്തില്‍ തുടരുമ്പോള്‍ ജോലിക്കാര്‍ക്ക് പുതിയ വാഗ്ദാനവുമായി ട്വിറ്റര്‍. ജോലിക്കാര്‍ താല്‍പര്യപ്പെടുന്ന കാലത്തോളം അവര്‍ക്കു വീട്ടിലിരുന്ന് ജോലിചെയ്യാമെന്നാണ് ട്വിറ്റര്‍ വ്യക്തമാക്കിയിരിക്കുന്നത്.
ജോലിക്കാരെ ഓഫിസില്‍ ആദ്യം തിരിച്ചെത്തിക്കുന്ന കമ്പനിയാകാന്‍ ട്വിറ്റര്‍ ആഗ്രഹിക്കുന്നില്ലെന്ന് കമ്പനി വൈസ് പ്രസിഡന്റ് ജെന്നിഫര്‍ ക്രിസ്റ്റി വ്യക്തമാക്കി. നേരത്തെ ഫേസ്ബുക്കും ഗൂഗിളും സ്വന്തം ജോലിക്കാര്‍ക്കു തുടര്‍ന്നും വീട്ടിലിരുന്ന് ജോലി ചെയ്യാമെന്ന് വ്യക്തമാക്കി രംഗത്തെത്തിയിരുന്നു.