കൊച്ചി: ഇന്ത്യയില്‍ നിന്നുള്ള ആദ്യത്തെ മെസേജിങ് പ്ലാറ്റ്‌ഫോമായ ഹൈക്ക് മെസഞ്ചര്‍ ഇന്ത്യന്‍ പ്രീമിയര്‍ ലീഗിലെ കോര്‍ട്ട് ബിഹൈന്‍ഡ് സീനുകളും വീഡിയോകളും ഫോട്ടോകളും മറ്റു വിനോദോപാധികളും അവതരിപ്പിക്കുന്നു. ക്രിക്കറ്റ് ഫീല്‍ഡിനു പുറത്തുള്ള വിവരങ്ങള്‍ ക്രിസ് ഗെയ്ല്‍, ഡി.ജെ ബ്രാവോ, അനുഷ ധണ്ടേക്കര്‍ തുടങ്ങിയവര്‍ എല്ലാ ദിവസവും പങ്കുവയ്ക്കുന്ന ക്രിക്കറ്റ് സീസണിലെ രസകരമായ സംഭവങ്ങള്‍ വീഡിയോകള്‍, ഫോട്ടോകള്‍ എന്നിവയാണ് സ്റ്റോറീസ് ഓണ്‍ ഹൈക്കിന്റെ പ്രത്യേകത. റാപിഡ് ഫയര്‍ ചോദ്യങ്ങള്‍, ട്വീറ്റുകള്‍, വ്യത്യസ്തങ്ങളായ ഫണ്‍ ഗെയിമുകള്‍ തുടങ്ങിയ ഒട്ടേറെ രസകരമായ കാര്യങ്ങള്‍ ഇതില്‍ ഉള്‍പ്പെടുത്തിയിട്ടുണ്ട്. ഇതിനുപുറമെ ഉപയോക്താക്കള്‍ക്ക് ലൈവ് ക്രിക്കറ്റ് സ്‌കോര്‍, ഗെയിംസ് എന്നിവയെല്ലാം ഹൈക്കില്‍ ലഭ്യമാകും. കൂടാതെ ക്രിക്കറ്റിനെക്കുറിച്ചുള്ള നിങ്ങളുടെ അഭിപ്രായങ്ങള്‍ പങ്കുവയ്ക്കുന്നതിനു സഹായിക്കുന്ന രീതിയില്‍ രസകരമായ 50 സ്റ്റിക്കറുകള്‍ ഹൈക്കില്‍ നിന്നു സ്വന്തമാക്കാം. ഏപ്രില്‍ 15 മുതലാണ് സെലിബ്രിറ്റികളുടെ കഥകള്‍ ഹൈക്കില്‍ വന്നു തുടങ്ങുക.