വാഷിങ്ടണ്‍: വിവാദത്തിലായ കുടിയേറ്റനയത്തെയും ഉ.കൊറിയയോടുള്ള സമീപനത്തെയും ന്യായീകരിച്ച് യു.എസ് പ്രസിഡന്റ് ഡൊണാള്‍ഡ് ട്രംപ്. മെക്‌സിക്കോ അതിര്‍ത്തി കടന്നുള്ള കുടിയേറ്റക്കാര്‍ക്കെതിരായ ശക്തമായ നിലപാട് ഇനിയും തുടരുമെന്നു വ്യക്തമാക്കിയ ട്രംപ് ഇക്കാര്യത്തില്‍ വൈറ്റ് ഹൗസ് ജീവനക്കാര്‍ നടത്തിയ പ്രവര്‍ത്തനങ്ങളെ അഭിനന്ദിക്കുകയും ചെയ്തു. തന്റെ സമീപനങ്ങള്‍ അമേരിക്കയെ കൂടുതല്‍ ശക്തമാക്കുമെന്നും ട്രംപ് അറിയിച്ചു.
ഉ.കൊറിയയുമായുള്ള സമാധാനശ്രമങ്ങള്‍ ഇതിനകം തന്നെ വിജയം കണ്ടുകഴിഞ്ഞെന്നും ട്രംപ് അറിയിച്ചു.