ജിദ്ദ: അസീര്‍ ജിസാന്‍ രാജ്യാന്തര പാതയില്‍ ബേശിനും അല്‍ദര്‍ബിനും ഇടയില്‍ അപകടത്തില്‍ പെട്ട ഇന്ധന ടാങ്കര്‍ പൊട്ടിത്തെറിച്ച് ഏഴു പേര്‍ക്ക് പരുക്കേറ്റു. ടാങ്കര്‍ ഡ്രൈവര്‍ക്കും അഞ്ചു സിവില്‍ ഡിഫന്‍സ് ഉദ്യോഗസ്ഥന്‍മാര്‍ക്കും ഒരു ട്രാഫിക് പൊലിസുകാരനുമാണ് പരുക്കേറ്റത്. തീയണക്കാന്‍ ശ്രമിക്കുന്നതിനിടെ ടാങ്കര്‍ പൊട്ടിത്തെറിച്ചാണ് ഇവര്‍ക്ക് പരുക്കേറ്റത്.

നിയന്ത്രണം വിട്ട് മറിഞ്ഞ ടാങ്കറില്‍നിന്ന് റോഡില്‍ പരന്നൊഴുകിയ ഇന്ധനത്തിനും ടാങ്കര്‍ ലോറിക്കും തീ പിടിക്കുകയായിരുന്നു.പരുക്കേറ്റവരെ അല്‍ദര്‍ബ് ജനറല്‍ ആശുപത്രിയില്‍ പ്രവേശിപ്പിച്ചതായി ജിസാന്‍ സിവില്‍ ഡിഫന്‍സ് വക്താവ് ലെഫ്. കേണല്‍ യഹ്‌യ അല്‍ഖഹ്ത്താനി പറഞ്ഞു.