കുവൈത്ത് സിറ്റി: കുവൈത്ത് ഔഖാഫ് മന്ത്രാലയം നേരിട്ടുനടത്തുന്ന രാജ്യാന്തര ഹോളി ഖുര്‍ആന്‍ അവാര്‍ഡ് മത്സരത്തില്‍ പങ്കെടുക്കാനായി തലസ്ഥാനത്തെത്തിയ ദാറുല്‍ഹുദാ ഇസ്‌ലാമിക് സര്‍വകലാശാല വിദ്യാര്‍ഥികള്‍ക്ക് ദാറുല്‍ഹുദാ കുവൈത്ത് കമ്മിറ്റി ഭാരവാഹികളും ഇസ്‌ലാമിക് കൗണ്‍സില്‍ നേതാക്കളും ചേര്‍ന്ന് കുവൈത്ത് എയര്‍പോര്‍ട്ടില്‍ സ്വീകരണം നല്‍കി.

ഇത്തവണത്തെ ഹോളി ഖുര്‍ആന്‍ അവാര്‍ഡ് മത്സരത്തില്‍ ഇന്ത്യയെ പ്രതിനിധീകരിച്ച് ദാറുല്‍ഹുദായിലെ പി.ജി ഖുര്‍ആന്‍ ഡിപ്പാര്‍ട്ട്‌മെന്റ് വിദ്യാര്‍ഥികളായ ഹാഫിള് മുനീര്‍ വെള്ളില, ഹാഫിള് മുഹമ്മദ് ഹഫിയ്യ് മുഴപ്പിലങ്ങാട് എന്നിവരാണ് മത്സരിക്കുന്നത്.

കുഞ്ഞിമുഹമ്മദ് കുട്ടി ഫൈസി പുതുപ്പറമ്പ്, ഇസ്മാഈല്‍ ഹുദവി ചുഴലി, ഗഫൂര്‍ ഫൈസി പൊന്മള, ഹംസ ഹാജി കരിങ്കപ്പാറ, ഫൈസല്‍ ഹാജി എടപ്പള്ളി, ശംസുദ്ധീന്‍ മൗലവി കടവല്ലൂര്‍, നാസര്‍ കോഡൂര്‍, അബ്ദല്‍ ഹക്കീം വാണിയന്നൂര്‍, ഇ.എസ് അബ്ദുര്‍റഹ്മാന്‍ ഹാജി ഒഴുര്‍, മുസ്ഥഫ പരപ്പനങ്ങാടി, മനാഫ് മൗലവി കൊടുവള്ളി, അബൂസബീല്‍ പുളിങ്ങോം എന്നിവര്‍ സംബന്ധിച്ചു.