കണ്ണൂര്‍: കണ്ണൂര്‍ ഇരിട്ടിയിലെ പുന്നാട് ബസ്സുകളുടെ മത്സര ഓട്ടത്തിനിടെയുണ്ടായ അപകടത്തില്‍ രണ്ട് പേര്‍ മരിച്ചു. നിരവധി പേര്‍ക്ക് പരുക്കേറ്റിട്ടുണ്ട്. മട്ടന്നൂരില്‍ നിന്നും ഇരിട്ടിയിലേക്കു പോവുകയായിരുന്ന പ്രസാദം ബസ്സും ഇരിട്ടിയില്‍ നിന്ന് മട്ടന്നൂരിലേക്ക് വരികയായിരുന്ന മേരി മാതാ ബസ്സുമാണ് കൂട്ടിയിടിച്ചത്.

മേരി മാതാ ബസ് ഡ്രൈവര്‍ ലിജോ,ചാവശ്ശേരി സ്വദേശിനി ഗിരിജ എന്നിവരാണ് മരിച്ചത്. പരുക്കേറ്റവരെ ഇരിട്ടി അമല ആശുപത്രിയിലും, കണ്ണൂര്‍ ജില്ലാ ആശുപത്രിയിലും,എ.കെ.ജി ആശുപത്രിയിലും, കൊയിലി ആശുപത്രിയിലും പ്രവേശിപ്പിച്ചു. പ്രസാദം ബസ്‌ഡ്രൈവര്‍ സുരേഷിന്റെ നില ഗുരുതരമാണ്.