കോട്ടയം: ഫെയ്‌സ്ബുക്കിലൂടെ രൂപീകൃതമായ 'കൂട്ടം' കുടുംബകൂട്ടായ്മ്മ ചാരിറ്റബിള്‍ സൊസൈറ്റിയുടെ നേതൃത്വത്തില്‍ ഇന്ന് വിഷു സദ്യ. നവജീവന്‍ ട്രസ്റ്റില്‍ വെച്ച് നടത്തുന്ന വിഷു സദ്യ വിതരണം തിരുവഞ്ചൂര്‍ രാധാകൃഷ്ണന്‍ എം.എല്‍.എ ഉദ്ഘാടനം ചെയ്യുമെന്ന് ഭാരവാഹികള്‍ പത്രസമ്മേളനത്തില്‍ അറിയിച്ചു.
'കൂട്ടം'അഡ്മിന്‍ സുഭാഷ് കുമാര്‍ അധ്യക്ഷ പ്രസംഗം നടത്തും.കണ്‍വീനര്‍ രാജീവ് എ.ആര്‍ ആമുഖ പ്രഭാഷം നടത്തും. അധ്യാപക സഹകരണ ബാങ്ക് ജില്ലാ പ്രസിഡന്റ് സാബു മാത്യു, കൗണ്‍സിലര്‍ ശുഭ സന്തോഷ്,പ്രോഗ്രാം കമ്മിറ്റിയംഗങ്ങളായ സജി മേനോന്‍,അശ്വതി എന്നിവര്‍ ആശംസാ പ്രസംഗം നടത്തും. ജോയിന്റ് കണ്‍വീനര്‍ ഫൈസല്‍ വട്ടയ്ക്കാട് സ്വാഗതവും  പ്രോഗ്രാം കമ്മിറ്റിയംഗം സന്ധ്യാ സജി നന്ദിയും പറയും. ചടങ്ങില്‍ നവജീവന്‍ സാരഥി പി.യു തോമസിനെ ആദരിക്കും. പത്രസമ്മേളനത്തില്‍ ചാരിറ്റി ബോര്‍ഡ് ജോ. സെക്രട്ടറി രാജീവ് എ.ആര്‍,സുരേഷ് കുമാര്‍, ഫൈസല്‍ വട്ടയ്ക്കാട് പങ്കെടുത്തു.