തളിപ്പറമ്പ്: കേരള പത്മശാലിയ സംഘം 37ാമത് ജില്ലാ സമ്മേളനം
22, 23 തിയതികളില്‍ കണ്ണൂരില്‍ നടക്കും. ഇതിന്റെ പ്രചാരണ പരിപാടികളുടെ ഭാഗമായി മുന്‍ ജില്ലാ പ്രസിഡന്റ് ടി കൃഷ്ണന്‍, സംസ്ഥാന കമ്മറ്റി അംഗം തെക്കന്‍ വിജയന്‍ എന്നിവരുടെ നേതൃത്വത്തില്‍ 17,18,19,20 തിയതികളില്‍ ജില്ലയില്‍ വാഹന പ്രചാരണ ജാഥ നടത്തും. ജാഥ 17ന് രാവിലെ ഒമ്പതിന് കരിവെള്ളൂരില്‍ സംസ്ഥാന വൈസ് പ്രസിഡന്റ് അഡ്വ.കെ വിജയന്‍ ഉദ്ഘാടനം ചെയ്യും. 62 കേന്ദ്രങ്ങളില്‍ ജാഥക്ക് സ്വീകരണം നല്‍കും. 20 ന് കണ്ണൂര്‍ നഗരത്തില്‍ സമാപിക്കും സമാപനത്തോടനുബന്ധിച്ച് വൈകുന്നേരം നാലിന് നഗരത്തില്‍ വിളംബര ജാഥയും നടത്തും. 21ന് വൈകുന്നേരം മാങ്ങാട് തെരുവില്‍ നിന്നും സമ്മേളന നഗരിയായ കണ്ണൂര്‍ ടൗണ്‍ ബാങ്ക് ഓഡിറ്റോറിയത്തിലേക്ക് കൊടിമരജാഥയും നടക്കും.
ജില്ലാ സമ്മേളനം 22ന് രാവിലെ 9.30ന് ആരോഗ്യമന്ത്രി കെ.കെ ശൈലജ ഉദ്ഘാടനം ചെയ്യും. കെ.സി ജോസഫ് എം.എല്‍.എ മുഖ്യാതിഥിയായി പങ്കെടുക്കും. ഉച്ചക്ക് ശേഷം രണ്ടിന് യുവജന സമ്മേളനം കെ.കെ രാജേഷ് എം.പിയും 23ന് രാവിലെ 10 ന് വനിതാ സമ്മേളനം പി.കെ ശ്രീമതി എം.പിയും ഉദ്ഘാടനം ചെയ്യും. വൈകുന്നേരം 3.30 ന് സെന്റ് മൈക്കിള്‍സ് ആംഗ്ലോ ഇന്ത്യന്‍ ഹയര്‍ സെക്കന്‍ഡറി സ്‌കൂള്‍ ഗ്രൗണ്ടില്‍ നിന്ന് പതിനായിരം പേര്‍ പങ്കെടുക്കുന്ന പ്രകടനം നടക്കും. അഞ്ച് മണിക്ക്  കണ്ണൂര്‍ സ്റ്റേഡിയം കോര്‍ണറില്‍ നടക്കുന്ന പൊതുസമ്മേളനം മന്ത്രി കടന്നപ്പള്ളി രാമചന്ദ്രന്‍ ഉദ്ഘാടനം ചെയ്യും. വാര്‍ത്താ സമ്മേളനത്തില്‍ സി ജയചന്ദ്രന്‍, സി പ്രഭാകരന്‍, പി.വി നരേന്ദ്രന്‍, ഒ സുരേഷ്, കെ രഞ്ചിത്ത് എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.