ജിദ്ദ: ജിദ്ദ: മതേതര ഇന്ത്യയുടെ വീണ്ടെടുപ്പ് ജനാധിപത്യ പോരാട്ടത്തിലൂടെ മാത്രമേ സാധൃമാവൂ എന്നതിനാല്‍ അതിശക്തമായ പ്രചാരണ പ്രവര്‍ത്തനങ്ങളുമായി തെരഞ്ഞെടുപ്പിനെ നേരിടാന്‍ ജിദ്ദ മലപ്പുറം ജില്ലാ കെ.എം.സി.സി തീരുമാനിച്ചതായി  ജില്ലാ കെ.എം.സി.സി എക്‌സിക്യൂട്ടീവ് യോഗം അറിയിച്ചു. ഇതിനായി വിവിധ പ്രചാരണ പ്രവര്‍ത്തനങ്ങള്‍ക്ക് രൂപം നല്‍കി. തങ്ങളുടെ അരുതായ്മകള്‍ ചൂണ്ടിക്കാണിക്കുന്നവരെ നിശ്ശബ്ധരാക്കുന്ന രാഷ്ട്രീയ ഫാസിസവും ഇന്ത്യന്‍ ഭരണഘടനയുടെ അന്തസത്തക്ക് എതിരെ പ്രവര്‍ത്തിക്കുന്ന വര്‍ഗീയ ഫാസിസവും ഒരുപോലെ പരാജയപ്പെടുത്തേണ്ടതാണെന്നും ദാനശീലരുടെ കോടിക്കണക്കിന് രൂപയുടെ സഹായധനം ക്രോഡീകരിച്ച് അതീവ സൂക്ഷ്മതയോടെ ഇത്തരം സാമ്പത്തിക വിഷയങ്ങള്‍ കൈകാര്യം ചെയ്ത് സേവനപ്രവര്‍ത്തനങ്ങള്‍ക്ക് നേതൃത്വം നല്‍കുന്ന പൊതു പ്രവര്‍ത്തകരെപ്പോലും അനധികൃത സ്വത്ത് സമ്പാദ്യകാരായി ചിത്രീകരിച്ച് തെരെഞ്ഞെടുപ്പില്‍ നേട്ടമുണ്ടാക്കാമെന്ന ഇടതു മുന്നണി വൃാമോഹം പ്രബുദ്ധ ജനത തിരിച്ചറിയുമെന്നും ആക്ടിങ് പ്രസിഡന്റ് ഉനൈസ് വി.പിയുടെ അധൃക്ഷതയില്‍ ചേര്‍ന്ന യോഗം അഭിപ്രായപ്പെട്ടു. പ്രചാരണ പ്രവര്‍ത്തനങ്ങള്‍ക്ക് തുടക്കം കുറിച്ച് കൊണ്ട് നാളെ ജിദ്ദ ശറഫിയ്യ സാഫിറോ ഓഡിറ്റോറിയത്തില്‍ ഡല്‍ഹി കെ.എം.സി.സി പ്രസിഡന്റ് അഡ്വ: ഹാരിസ് ബീരാനെ പങ്കെടുപ്പിച്ച് പ്രവര്‍ത്തക സംഗമം നടത്തുന്നതിനും യോഗം തീരുമാനിച്ചു.