ന്യൂഡല്‍ഹി: ലോക് സഭാ സ്ഥാനാര്‍ത്ഥിത്വത്തില്‍ കേരളത്തിലെ കോണ്‍ഗ്രസ് നേതൃത്വത്തിനെതിരെ കടുത്ത വിമര്‍ശനവുമായി പിസി ചാക്കോ. കേരളത്തില്‍ നടത്ത സ്ഥാനാര്‍ത്ഥി നിര്‍ണയം പക്വമായ രീതിയിലായിരുന്നില്ലെന്ന് പിസി ചാക്കോ പറഞ്ഞു. സ്ഥാനാര്‍ത്ഥികളെ തീരുമാനിക്കുന്നതില്‍ നേതാക്കളുടെ ഗ്രൂപ്പ് വീതം വയ്ക്കലാണ് ഉണ്ടായത്. സീറ്റ് നിര്‍ണയം ഭംഗിയായി കൊണ്ടുപോകാമായിരുന്നു. ഗ്രൂപ്പ് താല്‍പര്യങ്ങള്‍ സംഘര്‍ഷം സൃഷ്ടിച്ച സീറ്റാണ് വയനാടെന്നുംഅദ്ദേഹം കൂട്ടിച്ചേര്‍ത്തു.

സങ്കുചിത താല്‍പര്യങ്ങള്‍ക്ക് അപ്പുറം കോണ്‍ഗ്രസ് പാര്‍ട്ടിയുടെ കെട്ടുറപ്പിന് വേണ്ടി പ്രവര്‍ത്തിക്കാന്‍ നേതാക്കള്‍ക്ക് കഴിയുന്നില്ലെന്നും അദ്ദേഹം കുറ്റപ്പെടുത്തി.

അതേസമയം, എന്നാല്‍ ഗ്രൂപ്പ് വഴക്കിന്റെ ഭാഗമാണ് രാഹുലിന്റെ സ്ഥാനാര്‍ത്ഥിത്വമെന്ന വിമര്‍ശനം ശരിയല്ലെന്ന് അദ്ദേഹം ചൂണ്ടിക്കാട്ടി. സ്ഥാനാര്‍ഥിത്വത്തിന്റെ കാര്യത്തില്‍ രാഹുല്‍ സമ്മതമറിയിച്ചിട്ടില്ലെന്ന് അദ്ദേഹം പറഞ്ഞു. അതിനു മുമ്പു തന്നെ ആഘോഷങ്ങള്‍ തുടങ്ങിയതിനേയും പി.സി ചാക്കോ വിമര്‍ശിച്ചു. കര്‍ണാടകക്കും തമിഴ്‌നാടിനും ശേഷം മൂന്നാമതായാണ് കേരളം രാഹുലിനെ ആവശ്യപ്പെട്ടത്. ഇക്കാര്യത്തില്‍ അന്തിമ തീരുമാനം രാഹുലേന്റെതാണെന്നും അദ്ദേഹം വ്യക്തമാക്കി.