ബംഗളൂരു: നാക്കു പിഴച്ച് ബി.ജെ.പി സ്ഥാനാര്‍ഥി. ഇന്ത്യയില്‍ രാഷ്ട്രീയ സാഹചര്യം മാറിയിട്ടുണ്ട്. അതിനാല്‍ തന്നെ ഇനി ഒരിക്കലും ബി.ജെ.പി അധികാരത്തില്‍ വരില്ലെന്നാണ് കര്‍ണാടക സ്ഥാനാര്‍ഥി ഉമേഷ് ജാദവിനാണ് നാക്കു പിഴ സംഭവിച്ചത്.

കര്‍ണാടകയിലെ കലബുറഗി മണ്ഡലത്തിലെ ബി.ജെ.പിയുടെ ലോക്‌സഭാ സ്ഥാനാര്‍ഥിയാണ് ജാദവ്. ജാദവിന്റെ പ്രസ്താവന കേട്ട് വേദിയിലിരുന്നവര്‍ അന്തിച്ചു. എന്നാല്‍ ഉടന്‍തന്നെ ജാദവ് തന്റെ തെറ്റ് തിരുത്തിയപ്പോള്‍ വേദിയില്‍ ചിരി പടര്‍ന്നു. ഇനി കോണ്‍ഗ്രസ് അധികാരത്തില്‍ വരില്ലെന്നാണ് ഞാന്‍ ഉദ്ദേശിച്ചതെന്നും അത് അബദ്ധവശാല്‍ ബി.ജെ.പി. എന്നായി പോയതാണെന്നുമായിരുന്നു അദ്ദേഹത്തിന്റെ വിശദീകരണം.

അടുത്തിടെ കോണ്‍ഗ്രസ് വിട്ടുപോയ ഒരു നേതാവിന്റെ ഓര്‍മ്മയിലായിരുന്നു താനെന്നും ജാവേദ് വിശദീകരിച്ചു. കോണ്‍ഗ്രസില്‍ നിന്നും ബി.ജെ.പിയില്‍ ചേര്‍ന്ന ആളാണ് ഉമേഷ് ജാദവ്.