കേരളത്തില്‍ സ്വര്‍ണവില വീണ്ടും കുറഞ്ഞു. നിലവില്‍ ഈ മാസത്തെ ഏറ്റവും കുറഞ്ഞ വിലയിലാണ് വ്യാപാരം നടക്കുന്നത്.  ആഗോളവിപണിയിലെ മാറ്റങ്ങളും രൂപയുടെ മൂല്യത്തിലുണ്ടാകുന്ന വ്യതിയാനങ്ങളുമാണ് ആഭ്യന്തര വിപണിയിലും പ്രതിഫലിക്കുന്നത്. പശ്ചിമേഷ്യന്‍ യുദ്ധവും അസംസ്‌കൃത എണ്ണവിലയിലെ കുതിപ്പും വിപണിയെ അനിശ്ചിതത്വത്തിലാക്കുന്നതിനിടെയാണ് സ്വര്‍ണത്തിന് വില ഇടിഞ്ഞുതുടങ്ങിയത്. 

ജനുവരി 29നാണ് സംസ്ഥാനത്ത് സ്വര്‍ണത്തിന് ഏറ്റവും ഉയര്‍ന്ന വില രേഖപ്പെടുത്തിയത്. ഗ്രാമിന് 16395 രൂപയും പവന് 1,31,160 രൂപയുമായിരുന്നു വില. പിന്നീട് കുറഞ്ഞും ഏറിയും വിപണിയില്‍ ചാഞ്ചാട്ടം തുടര്‍ന്നു. ഇറാനുനേരെ ഇസ്റാഈല്‍- യു.എസ് സംയുക്ത ആക്രമണം തുടങ്ങിയപ്പോള്‍ സ്വര്‍ണവില കുതിച്ചുയര്‍ന്നു. എന്നാല്‍ പിന്നീട് ട്രെന്‍ഡ് മാറി വില താഴാന്‍ തുടങ്ങി.

ഇന്നത്തെ വില

ഗ്രാമിന് 255 രൂപ കുറഞ്ഞ് 14,175 രൂപയായി. പവന് 2,040 രൂപ കുറഞ്ഞ് 1,13,400 രൂപയിലാണ് വ്യാപാരം നടക്കുന്നത്. ഇതോടെ 1,31,160 രൂപയെന്ന റെക്കോര്‍ഡില്‍ നിന്ന് 17,760 രൂപയാണ് പവന്‍വില ഇടിഞ്ഞത്. ഗ്രാമിന് 2220 രൂപയും കുറഞ്ഞു.

പൊതുവേ യുദ്ധസമയത്ത് സ്വര്‍ണവില കൂടാറാണ് പതിവെങ്കിലും ഇത്തവണ പതിവുതെറ്റിച്ച് ഇടിയുകയാണ് ചെയ്യുന്നത്.

Gold prices have fallen to their lowest level this month, with a sharp decline of ₹2,040 recorded today. The drop has come as a relief for buyers and investors, making gold more affordable compared to recent highs. Market analysts attribute the fall to fluctuations in global trends and currency movements.