തിരുവനന്തപുരം: മത്സ്യത്തൊഴിലാളികളുടെ കുട്ടികള്‍ക്കായി തീരദേശത്ത് മത്സ്യഫെഡ് ഓണ്‍ലൈന്‍ പഠന സൗകര്യം ഒരുക്കുന്നതായി മത്സ്യഫെഡ് ചെയര്‍മാന്‍ അറിയിച്ചു. മത്സ്യത്തൊഴിലാളി വികസന ക്ഷേമ സഹകരണ സംഘങ്ങളുടെ ആഭിമുഖ്യത്തില്‍ സംഘം വക കെട്ടിടങ്ങള്‍, വായനശാലകള്‍, തീരദേശത്തുളള സാംസ്‌കാരിക കേന്ദ്രങ്ങള്‍ എന്നിവിടങ്ങളിലായിരിക്കും ഓണ്‍ലൈന്‍ പഠന സൗകര്യം.സംസ്ഥാനത്തെ തീദേശത്ത് ഇത്തരം 100 കേന്ദ്രങ്ങളില്‍ ഓണ്‍ലൈന്‍ പഠന സൗകര്യം ഒരുക്കുകയാണ് ലക്ഷ്യം.