നിഷ്‌നി: പ്രീ ക്വാര്‍ട്ടറിലെ രണ്ടാം മത്സരത്തില്‍ ഡെന്‍മാര്‍ക്കിനെ വീഴ്ത്തി ക്രൊയേഷ്യ ക്വാര്‍ട്ടര്‍ ഫൈനലില്‍. ഷൂട്ടൗട്ടില്‍ 3-2 നാണ് ക്രൊയേഷ്യയുടെ വിജയം.

നിശ്ചിത സമയത്തും എക്‌സ്ട്രാ ടൈമിലും സമനിലയില്‍ തുടര്‍ന്നപ്പോഴാണ് ഷൂട്ടൗട്ട് വേണ്ടിവന്നത്. കളിയുടെ 58-ാം സെക്കന്റില്‍ ആദ്യ ഗോളിലൂടെ ഡെന്‍മാര്‍ക്ക് ക്രൊയേഷ്യയെ ഞെട്ടിച്ചു. ഡെന്‍മാര്‍ക്കിന്റെ മാര്‍ത്തിയാസ് യോര്‍ഗെന്‍സന്‍ ആണ് ഗോള്‍ നേടിയത്. എന്നാല്‍ നാലാം മിനുട്ടില്‍ ക്രൊയേഷ്യയുടെ മരിയോ മന്‍സുകിച്ച് ഗോള്‍ മടക്കി സമനില പിടിച്ചു.

ഏഴിന് റഷ്യയുമായാണ് ക്രൊയേഷ്യയുടെ ക്വാര്‍ട്ടര്‍ ഫൈനല്‍ മത്സരം.