കുളപ്പുള്ളി: രാത്രികളില്‍ അപകടത്തിനിടയാക്കുന്ന കുളപ്പുള്ളി ജങ്ഷനിലെ ഡിവൈഡറുകള്‍ക്ക് സമീപം മുന്നറിയിപ്പ് ബോര്‍ഡുകള്‍ സ്ഥാപിക്കണമെന്ന ആവശ്യം ശക്തമായി. പാലക്കാട്, പട്ടാമ്പി, തൃശ്ശൂര്‍ ഭാഗങ്ങളിലേക്കുള്ള റോഡുകള്‍ക്ക് നടുവിലാണ് ഈ അപകട ഭീഷണി ഉയര്‍ത്തുന്ന ഡിവൈഡറുകളുള്ളത്.
രാത്രിയില്‍ ഡിവൈഡറുകളുടെ ഉയരം വ്യക്തമല്ലാത്തതിനാല്‍ ഇതിനുമുകളിലേക്ക് കയറി വാഹനങ്ങള്‍അപകടത്തില്‍പ്പെടുന്നതാണ് പതിവ്. കാറുള്‍പ്പെടെയുള്ള ചെറിയ വാഹനങ്ങള്‍ ഡിവൈഡറിനുമുകളില്‍ കയറി എല്ലാ ദിവസവും അപകടം സംഭവിക്കുന്നതിനാല്‍ യാത്രക്കാരും ഡ്രൈവര്‍മാരും തള്ളി റോഡിലേക്കെത്തിക്കുന്ന സംഭവം നിത്യമായിരിക്കുകയാണ്. അത് കൊണ്ട് തന്നെ മൂന്ന് ഭാഗങ്ങളിലുള്ള ഡിവൈഡറുകളും ഉയര്‍ത്തി ഡിവൈഡറുകള്‍ക്കു മുന്നില്‍ മുന്നറിയിപ്പ് ബോര്‍ഡുകള്‍ സ്ഥാപിക്കണം. രാത്രിയിലും വ്യക്തമായി കാണാന്‍ കഴിയുന്ന ബോര്‍ഡുകള്‍ സ്ഥാപിച്ചാല്‍ മാത്രമേ ഇത്തരം അപകടം തടയാനാകൂ എന്ന് ഡ്രൈവര്‍മാര്‍ വ്യക്തമാക്കുന്നത്.