മലപ്പുറം: വയനാട്ടില്‍ ആവേശത്തിന് ഒരു കുറവും വന്നിട്ടില്ലെന്നും രാഹുല്‍ ഗാന്ധിയാണ് സ്ഥാനാര്‍ഥിയെങ്കില്‍ യു.ഡി.എഫിന് ചരിത്ര ഭൂരിപക്ഷമുണ്ടാവുമെന്നും മുസ്‌ലിംലീഗ്.

മുസ്‌ലിംലീഗ് സംസ്ഥാന സെക്രട്ടേറിയറ്റിന് ശേഷം മാധ്യമ പ്രവര്‍ത്തകരോട് സംസാരിക്കുകയായിരുന്നു നേതാക്കളായ പാണക്കാട് സയ്യിദ് ഹൈദരലി ശിഹാബ് തങ്ങള്‍, പി.കെ കുഞ്ഞാലികുട്ടി, കെ.പി.എ മജീദ് എന്നിവര്‍. യാതൊരു ആശങ്കയും വയനാട്ടിലില്ല. ഇന്ത്യന്‍ നാഷനല്‍ കോണ്‍ഗ്രസ് സ്ഥാനാര്‍ഥിയെ തീരുമാനിക്കുന്ന മുറക്ക് യു.ഡി.എഫ് ഒറ്റക്കെട്ടായി പ്രചാരണ പ്രവര്‍ത്തനങ്ങള്‍ ഊര്‍ജിതമാക്കും.വര്‍ധിത ഭൂരിപക്ഷത്തോടെ യു.ഡി.എഫ് അവിടെ വിജയിക്കുമെന്നും നേതാക്കള്‍ പറഞ്ഞു. കേരളത്തില്‍ യു.ഡി.എഫ് ട്രന്റാണ്. സംസ്ഥാനത്തെ തെരഞ്ഞെടുപ്പ് പ്രവര്‍ത്തനങ്ങള്‍ സെക്രട്ടേറിയറ്റ് യോഗം വിലയിരുത്തി.