റിയാദ്: സഊദിയില്‍ കഴിഞ്ഞ 24 മണിക്കൂറിനിടെ കൊവിഡ് മൂലം 39 പേര്‍ മരണപ്പെട്ടു.  ഇതോടെ രാജ്യത്തെ മരണം 932 ആയി. 3,366 പേര്‍ക്ക് പുതുതായി വൈറസ് ബാധ സ്ഥിരീകരിച്ചതായും ആരോഗ്യ മന്ത്രാലയം അറിയിച്ചു. ഇതോടെ രാജ്യത്തെ വൈറസ് ബാധിതര്‍ 1,23,308 ആയും ഉയര്‍ന്നിട്ടുണ്ട്. ഇന്നലെ 1,519 പേര്‍ രോഗമുക്തി നേടിയതോടെ ആകെ രോഗമുക്തി നേടിയവരുടെ എണ്ണം 82,548 ആയി ഉയര്‍ന്നു. 10,87,021 വൈറസ് ടെസ്റ്റുകളാണ് ഇതുവരെ രാജ്യത്ത് പൂര്‍ത്തിയാക്കിയത്.