കല്ലമ്പലം: നവായിക്കുളത്ത് തെരുവ് നായ്ക്കള്‍ വീട്ടമ്മയുടെ 16 മുട്ടക്കോഴികളെ കടിച്ചുകൊന്നു. നാവായിക്കുളം ഷെഹ്നാ മന്‍സിലില്‍ ഷെരീഫയുടെ വീടിനുള്ളിലെ കോഴിക്കൂട് തകര്‍ത്താണ് തെരുവ് നായക്കള്‍ കോഴികളെ കടിച്ചുകൊന്നത്. എട്ടോളം കോഴികളെ നായ്ക്കള്‍ കടിച്ചു കൊണ്ടുപോയി.
എട്ട് കോഴികള്‍ കൂടിനകത്തും പുറത്തുമായി ചത്ത് കിടക്കുന്ന നിലയിലായിരുന്നു. കഴിഞ്ഞ ദിവസം പുലര്‍ച്ചെ രണ്ടരയോടെ കോഴികളുടെ ബഹളം കേട്ട് വീട്ടുകാര്‍ ഉണര്‍ന്ന് ലൈറ്റിട്ടപ്പോള്‍ നായ്ക്കള്‍ കോഴികളെയും കടിച്ചു ഓടുന്നതാണ് കണ്ടത്.
പ്രദേശത്ത് തെരുവുനായ്ക്കളെ കൊണ്ട് പൊരുതി മുട്ടിയിരിക്കുകയാണ് ജനം. പഞ്ചായത്ത് അടിയന്തര നടപടി സ്വീകരിക്കണമെന്ന് നാട്ടുകാര്‍ ആവശ്യപ്പെട്ടു.