കോഴിക്കോട്: ബാബരി മസ്ജിദ് തകര്‍ക്കാന്‍ ക്രിമിനല്‍ ഗൂഢാലോചന നടത്തിയെന്ന കേസില്‍ പ്രതികളായ എല്‍.കെ അദ്വാനിയും ഉമാഭാരതിയുമുള്‍പ്പെടെയുള്ളവരുടെ വിചാരണനടപടികള്‍ തുടരാനും നടപടിക്രമങ്ങള്‍ക്ക് കാലപരിധി നിര്‍ദേശിച്ചുകൊണ്ടുമുള്ള സുപ്രിം കോടതി വിധി ആശ്വസകരമെന്ന് പി.ഡി.പി സംസ്ഥാന കമ്മിറ്റി അഭിപ്രായപ്പെട്ടു. അലഹബാദ് ഹൈക്കോടതിവിധിക്കെതിരേ അപ്പീല്‍ നല്‍കാന്‍ കാലതാമസം വരുത്തിയ സി.ബി.ഐ നടപടി ഈ കേസിന് കാലതാമസം നേരിട്ടതിന് കാരണമായിട്ടുണ്ടെന്നും പി.ഡി.പി സംസ്ഥാന ജനറല്‍ സെക്രട്ടറി മുഹമ്മദ് റജീബ് പ്രസ്താവനയില്‍ പറഞ്ഞു.