ഏറ്റുമാനൂര്‍: കുറുപ്പന്തറയില്‍ വന്‍ കഞ്ചാവു വേട്ട. ആന്ധ്രയില്‍നിന്നു വന്ന നാഷനല്‍ പെര്‍മിറ്റ് ലോറിയില്‍ കടത്തിക്കൊണ്ടു വന്ന അറുപതു കിലോ കഞ്ചാവുമായി രണ്ടു പേരെയാണ് കോട്ടയം ജില്ലാ പൊലിസ് മേധാവിയുടെ സ്‌പെഷ്യല്‍ സ്‌ക്വാഡും കടുത്തുരുത്തി പൊലിസും ചേര്‍ന്നു പിടികൂടിയത്. 

ലോറിയുടെ രഹസ്യ അറകളില്‍ സൂക്ഷിച്ചിരുന്ന കഞ്ചാവാണ് പിടികൂടിയത്. സംഭവത്തില്‍ പേരൂര്‍ ആലഞ്ചേരി തെള്ളകം കളപ്പുരയ്ക്കല്‍ വീട്ടില്‍ ജോസ് (40), തലയാഴം തോട്ടകം തലപ്പുള്ളില്‍ ഗോപു (27) എന്നിവരെ അറസ്റ്റ് ചെയ്തു.

ബുധനാഴ്ച പുലര്‍ച്ചെ രണ്ടു മണിയോടെയാണ് കുറുപ്പന്തറ മാര്‍ക്കറ്റിനു സമീപത്തു വച്ച് ലോറിയില്‍നിന്നു കഞ്ചാവ് പിടിച്ചെടുത്തത്.