പഴയങ്ങാടി: തലശ്ശേരി ഗവ: ബ്രണ്ണന്‍ കോളജും ജര്‍മനിയിലെ റൂര്‍ യൂനിവേഴ്‌സിറ്റിയും സംയുക്തമായി സംഘടിപ്പിക്കുന്ന അന്താരാഷ്ട്ര ചരിത്ര ശില്പശാല എപ്രില്‍ 20, 21 തിയതികളിലായി മാടായി റൂറല്‍ ബാങ്ക് ഓഡിേറ്റാറിയത്തില്‍ വച്ച് നടക്കും.
മധ്യകാല മലബാറിലെ കച്ചവട ബന്ധങ്ങളും സാമൂഹ്യ രൂപീകരണവും കണ്ടെത്തുക എന്നതാണ് ശില്പശാലയുടെ ലക്ഷ്യം. ജര്‍മനി, ഇറ്റലി, കാനഡ, ആസ്‌ത്രേലിയ തുടങ്ങിയ രാജ്യങ്ങളിലെ സര്‍വ്വകലാശാലകളിലെ പ്രമുഖരും ഇന്ത്യയിലെ വിവിധ സര്‍വകലാശാലകളിലെ ഗവേഷകരും അധ്യാപകരും ശില്പശാലയില്‍ പങ്കെടുക്കും.