കണ്ണൂര്‍: പതിനേഴുകാരിയെ പീഡനത്തിനിരയാക്കിയ സംഭവത്തില്‍ കോട്ടയം സ്വദേശി അറസ്റ്റില്‍. വൈക്കത്തിനു സമീപം വെച്ചൂരിലെ ഗോപേഷ് നിവാസില്‍ കണ്ണന്‍ എന്ന കെ. മുരുകേഷ് (24) പോക്‌സോ നിയമപ്രകാരം അറസ്റ്റിലായത്. ഡിവൈ.എസ്.പി കെ.വി വേണുഗോപാലിന്റെ നേതൃത്വത്തിലാണ് പ്രതിയെ പിടികൂടിയത്. പെണ്‍കുട്ടിയെ നിരന്തരം ഫോണ്‍ വിളിച്ചു പ്രണയം നടിച്ച ശേഷം പീഡനത്തിനിരയാക്കുകയായിരുന്നു. സംഭവത്തിനു ശേഷം കടന്നുകളഞ്ഞ പ്രതിക്കെതിരെ കണ്ണൂര്‍ വനിതാ പൊലിസില്‍ ലഭിച്ച പരാതിയുടെ അടിസ്ഥാനത്തിലാണ് ഇന്നലെ രാവിലെ അറസ്റ്റ് ചെയ്തത്.