നീലേശ്വരം: പൊതുജനവായനശാല ആന്‍ഡ് ഗ്രന്ഥാലയം വായനാപക്ഷാചരണത്തിന്റെ ഭാഗമായി നീലേശ്വരം രാജാസ് ഹൈസ്‌കൂളില്‍ ബഷീര്‍ അനുസ്മരണം സംഘടിപ്പിച്ചു.
പ്രിന്‍സിപ്പല്‍ പി. ഷാജി അധ്യക്ഷനായി. കെ.വി സജീവന്‍ അനുസ്മരണം പ്രഭാഷണം നടത്തി. പി. കുഞ്ഞിരാമന്‍, പി. വിജേഷ്, എം. മധുസൂദനന്‍, ഗൗരിപ്രിയ എന്നിവര്‍ സംസാരിച്ചു.
കുണ്ടംകുഴി: എഴുത്തും വരകളുമായി ബഷീര്‍ അനുസ്മരണം സംഘടിപ്പിച്ചു. കുണ്ടംകുഴി ഗവ.ഹയര്‍ സെക്കന്‍ഡറി സ്‌കൂള്‍ വിദ്യാരംഗം കലാ സാഹിത്യ വേദിയുടെ നേതൃത്വത്തിലാണ് അനുസ്മരണം സംഘടിപ്പിച്ചത്.
ബഷീറിന്റെ കൃതികളുടെ ആസ്വാദനക്കുറിപ്പുകളും കുട്ടികള്‍ വരച്ച ബഷീര്‍ കഥാപാത്രങ്ങളുടെ ചിത്രങ്ങളുമടങ്ങുന്ന ചുമര്‍ പത്രിക പ്രധാനധ്യാപകന്റെ ചുമതല വഹിക്കുന്ന പി. ഹാഷിം പ്രകാശനം ചെയ്തു.
ഡോക്യുമെന്ററി പ്രദര്‍ശനവും സംഘടിപ്പിച്ചു. പി.കെ ജയരാജന്‍, പി.എന്‍ തുളസി, ടി. ശ്രീജ, പത്മനാഭന്‍, കണ്‍വീനര്‍ അനൂപ് പെരിയല്‍ സംസാരിച്ചു.