ദോഹ: ഇന്‍കാസ് ഖത്തര്‍ എറണാകുളം ജില്ലാ കമ്മിറ്റി ലോക്‌സഭാ മണ്ഡലം തിരഞ്ഞെടുപ്പു കണ്‍വെന്‍ഷന്‍ ദോഹയില്‍ മതാര്‍ കദീമിലെ സ്റ്റാര്‍ കാറ്ററിംഗില്‍ വെച്ച് നടന്നു. കണ്‍വെന്‍ഷന്‍ ഇന്‍കാസ് ഖത്തര്‍ സെന്‍ട്രല്‍ കമ്മിറ്റി പ്രസിഡന്റ് സമീര്‍ ഏറാമല ഉദ്ഘാടനം ചെയ്തു. ലോക്‌സഭ തിരഞ്ഞെടുപ്പില്‍ യു.ഡി.എഫിനെ വിജയിപ്പിക്കാന്‍ എല്ലാവരും തയ്യാറാകണമെന്ന് യോഗം ആഹ്വാനം ചെയ്തു.

യോഗം ഇന്‍കാസ് എറണാകുളം ജില്ലാ കമ്മിറ്റിയുടെ പുതിയ ഭാരവാഹികളെ തിരഞ്ഞെടുത്തു. പ്രസിഡന്റ് എം.ഐ ഷംസുദ്ധീന്‍, ജനറല്‍ സെക്രട്ടറി ജോയ് പോള്‍, ട്രഷറര്‍ എം.എം അബ്ബാസ് എന്നിവരും വൈസ് പ്രസിഡന്റുമാരായി രാമചന്ദ്രന്‍, ഷഹീന്‍ മജീദ്, സെബാസ്റ്റ്യന്‍ കാഞ്ഞൂര്‍ എന്നിവരും സെക്രട്ടറിമാര്‍ ജോയ് ജോസ്, ജസ്റ്റിന്‍ എന്നിവരും സെന്‍ട്രല്‍ കമ്മിറ്റി പ്രതിനിധിയായി പരീത് പിള്ള ആലുവയും കള്‍ച്ചറല്‍ സെക്രട്ടറി ആയി സലീല്‍ സ്‌പോര്‍ട്‌സ് സെക്രട്ടറി ആയി ഷെബി അബ്ദുല്‍ സലാം എന്നിവരെയും സെന്‍ട്രല്‍ കമ്മിറ്റി പ്രസിഡന്റ് സമീര്‍ ഏറാമല പ്രഖ്യാപിക്കുകയും ചയ്തു.

കണ്‍വന്‍ഷനെ എറണാകുളം ലോക്‌സഭാ യു.ഡി.എഫ് സ്ഥാനാര്‍ഥി ഹൈബി ഈഡനും ചാലക്കുടി ലോക്‌സഭ സ്ഥാനാര്‍ഥി ബെന്നി ബഹന്നാനും പ്രവര്‍ത്തകരെ വീഡിയൊ കോണ്‍ഫറന്‍സിലൂടെ അഭിസംബോധന ചെയ്തു സംസാരിച്ചു.