തൃശൂര്‍: ആംബുലന്‍സില്‍ എം.ഡി.എം.എ കടത്താന്‍ ശ്രമിച്ച കേസില്‍ രണ്ട് പേര്‍ പിടിയില്‍. വെട്ടിക്കല്‍ സ്വദേശി ഫെലിക്‌സ്, അഞ്ചേരി സ്വദേശി സന്ദീപ് എന്നിവരാണ് പൊലിസ് പിടിയിലായത്. ആംബുലന്‍സിന്റെ സീറ്റിനടിയില്‍ നിന്ന് 280 ഗ്രാം എം.ഡി.എം.എ പിടിച്ചെടുത്തു.

തൃശ്ശൂര്‍-പാലക്കാട് ദേശീയപാതയില്‍ വാണിയമ്പറായില്‍ വെച്ചാണ് ഇവര്‍ പിടിയിലായത്. രഹസ്യ വിവരത്തിന്റെ അടിസ്ഥാനത്തില്‍ ഇന്നലെ രാത്രി മുതല്‍ ദേശീയപാതയില്‍ പൊലിസ് പരിശോധന നടത്തി വരികയായിരുന്നു.  

ശാരോണ്‍ എന്ന പേരിലുള്ള ആംബുലന്‍സില്‍ ബംഗളുരുവില്‍ നിന്നാണ് ഇവര്‍ എം.ഡി.എം.എ കടത്തിയത്. പൊലിസിനേയും മറ്റു അന്വേഷണ ഏജന്‍സികളേയും വെട്ടിക്കുന്നതിനായിട്ട് പ്രതികള്‍ ബീക്കന്‍ ലൈറ്റിട്ട് ആംബുലന്‍സില്‍ വരികയായിരുന്നു. ആഭ്യന്തര മന്ത്രി രമേശ് ചെന്നിത്തല പ്രഖ്യാപിച്ച ഓപ്പറേഷന്‍ തൂഫാന്റെ ഭാഗമായാണ് നടപടികള്‍. പ്രതികളുടെ മൊബൈല്‍ ഫോണും സാമ്പത്തിക ഇടപാടുകളും പൊലിസ് പരിശോധിക്കും. പ്രതികളെ ചോദ്യം ചെയ്തുവരികയാണ്. ആംബുലന്‍സ് ഉടമയേയും ചോദ്യം ചെയ്യുമെന്ന് പൊലിസ് അറിയിച്ചു.

Two individuals were arrested in Thrissur for allegedly smuggling MDMA using an ambulance fitted with a beacon light. During the inspection, officials discovered around 280 grams of the banned narcotic substance hidden beneath a seat inside the vehicle.