കുന്നംകുളം : കെ.എസ്.ആര്‍.ടി.സി ഇലക്ട്രിക്ക് ബസ് കുന്നംകുളം വഴി സര്‍വിസ് നടത്തി. ഗുരുവായൂരില്‍ നിന്നു കുന്നംകുളം വഴി എറണാംകുളത്തേക്കാണ് ഇന്നലെ ഉച്ചക്ക് ഒന്നോടെ ഗുരുവായൂരില്‍ നിന്നു സര്‍വിസ് ആരംഭിച്ചത്.
സര്‍വിസിന്റെ ഭാഗമായി കുന്നംകുളത്തെ കെ.എസ്.ആര്‍.ടി.സി ബസ് സ്‌റ്റോപ്പില്‍ ഉച്ചക്ക് 1.30 നു ഇലക്ട്രിക്ക് ബസ്് എത്തിച്ചേര്‍ന്നു. കുന്നംകുളത്തെത്തിയ ശബ്ദരഹിതവും പ്രകൃതിസൗഹൃദവുമായ ഇലക്ട്രിക് ബസ് കുന്നംകുളം നഗരസഭ ചെയര്‍പെഴ്‌സണ്‍ സീതാരവീന്ദ്രന്‍ ഫ്‌ലാഗ് ഓഫ് ചെയ്തു.ഫ്‌ലാഗ് ഓഫിനു ശേഷം കുന്നംകുളം നഗരസഭ ചെയര്‍പെഴ്‌സണ്‍ സീതാരവീന്ദ്രന്‍, വാര്‍ഡ് കൗണ്‍സിലര്‍ നിഷാ ജയേഷ് കേച്ചേരി വരെ ഇലക്ട്രിക്ക് ബസില്‍ യാത്ര നടത്തി.