കോഴിക്കോട്: കരിപ്പൂര്‍ വിമാനത്താവളം സംരക്ഷിക്കുന്നതിനു വേണ്ടി കേരള പ്രവാസി സംഘം കോഴിക്കോട് ജില്ലാ കമ്മിറ്റി സംഘടിപ്പിക്കുന്ന രാപ്പകല്‍ സമരം വിജയിപ്പിക്കുന്നതിനു പ്രവാസിസംഘം വനിതാ കമ്മിറ്റി രൂപരേഖ തയാറാക്കി. 16 ഏരിയകളില്‍ നിന്ന് വിദേശത്ത് ജോലി ചെയ്ത മുഴുവന്‍ വനിതകളുടെയും കൂട്ടായ്മ സംഘടിപ്പിച്ചുകൊണ്ടായിരുന്നു രൂപരേഖ തയാറാക്കിയത്.
സി.വി ഇഖ്ബാല്‍ ഉദ്ഘാടനം ചെയ്തു. ഷാഫിജ റഫീക്ക് അധ്യക്ഷയായി. പി.കെ കബീര്‍ സലാല, വിമലാ നാരായണന്‍, സെല്‍വി നാരായണന്‍, സക്കീന സംസാരിച്ചു.