തുറവൂര്‍: വേമ്പനാട്ട് കായലിന്റെ ഭാഗമായ തൈക്കാട്ടുശ്ശേരി കായലില്‍ 50,000 പൂ മീന്‍ കുഞ്ഞുങ്ങളെ നിക്ഷേപിച്ചു.വ്യാവസായിക പ്രാധാന്യമുള്ള മീനുകളുടെ എണ്ണം വര്‍ധിപ്പിക്കുകയെന്ന ലക്ഷ്യത്തോടെ നടപ്പാക്കുന്ന സാമൂഹിക മത്സ്യകൃഷി പദ്ധതിയുടെ ഭാഗമായാണ് മീന്‍കുഞ്ഞുങ്ങളെ നിക്ഷേപിച്ചത്.തുറവൂര്‍ പഞ്ചായത്ത് പ്രസിഡന്റ് അനിത സോമന്‍ ഉദ്ഘാടനം ചെയ്തു. ഫിഷറീസ് ഡെപ്യൂട്ടി ഡയറക്ടര്‍ എം.സിയാര്‍, പഞ്ചായത്ത് വൈസ് പ്രസിഡന്റ് ജെയിന്‍ ഏണസ്റ്റ്, മേരിസീമോള്‍, എ.യു.അനീഷ്, മത്സ്യ - കര്‍ഷത്തൊഴിലാളി പ്രതിനിധികള്‍, ഫിഷറീസ് ഉദ്യോഗസ്ഥര്‍ എന്നിവര്‍ പങ്കെടുത്തു.