എടപ്പാള്‍: ഇന്ത്യന്‍ മുസ്‌ലിംകളുടെ ഒന്നാമത്തെ ശത്രു പോപ്പുലര്‍ ഫ്രണ്ടാണന്നും മുസ്‌ലിം ജനവിഭാഗങ്ങളെ ആട്ടിത്തെളിച്ച് ആര്‍.എസ്.എസിന്റെ ആലയിലേക്ക് തള്ളുകയാണ് ഇവര്‍ ചെയ്യുന്നതെന്നും എം. സ്വരാജ് എം.എല്‍.എ പറഞ്ഞു.
ഡി.വൈ.എഫ്.ഐ എടപ്പാള്‍ ബ്ലോക്ക് സമ്മേളനത്തിന്റെ സമാപന പൊതുസമ്മേളനം തവനൂരില്‍ ഉദ്ഘാടനം ചെയ്യുകയായിരുന്നു അദ്ദേഹം. സമൂഹത്തിന് വലിയ ഭീഷണിയായ ഇവര്‍ഇസ്‌ലാമിനെ പൊതുജനങ്ങളില്‍ തെറ്റായി പ്രചരിപ്പിക്കുന്നവരാണെന്നും ഡി.വൈ.എഫ്.ഐ കേരളത്തിന്റെ മണ്ണില്‍ ഇവരെ പിടിച്ച് കെട്ടുമെന്നും അദ്ദേഹം കൂട്ടിച്ചേര്‍ത്തു.
എ.സിദ്ദീഖ് അധ്യഷനായി. ബി.ജി ശ്രീജിത്ത്, എസ്. സുജിത്ത്, എം. മുസ്തഫ,അഡ്വ.എം.ബി ഫൈസല്‍, അഡ്വ. പി.പി മോഹന്‍ദാസ്, ടി. സത്യന്‍, രേഷ്മ, പി.പി ബിജോയ്, ബാബു തവനൂര്‍ സംസാരിച്ചു. ഭാരവാഹികള്‍: എ. സിദ്ദീഖ് (പ്രസി), ബി.ജി ശ്രീജിത്ത് (സെക്ര), ഇ.കെ ദിലീഷ് (ട്രഷ).