നെയ്യാറ്റിന്‍കര: ചില്ലറ വില്‍പ്പനയ്ക്കിടെ മയക്കു ഗുളികകളുമായി യുവാവിനെ എക്‌സൈസ് സംഘം പിടികൂടി. കാരോട് തൈയ്‌വിളാകം വീട്ടില്‍ ഡിവൈന്‍ പീറ്റര്‍ (21) ആണ് പിടിയിലായത്. ഇയാളില്‍ നിന്ന് ഇരുപതോളം നൈട്രോവേറ്റ് ഗുളികകള്‍ സംഘം കണ്ടെടുത്തു.
ആഴ്ചകള്‍ക്ക് മുന്‍പ് അമരവിള പള്ളിയ്ക്ക് സമീപത്തു നിന്നും ഇത്തരത്തിലുളള മയക്കു ഗുളികകളുമായി മറ്റൊരു യുവാവിനെ അമരവിള എക്‌സൈസ് റെയിഞ്ച് സംഘം കസ്റ്റഡിയിലെടുത്തിരുന്നു. കാന്‍സര്‍ രോഗികള്‍ക്ക് വേദന സംഹാരിയായി നല്‍കാനാണ് ഇത്തരത്തിലുളള മയക്കു ഗുളികകള്‍ ഉപയോഗിക്കുന്നത്.