മണലൂര്‍: കാരമുക്ക് സഹകരണ ബാങ്ക് സൗജന്യ മെഡിക്കല്‍ ക്യാംപ് സംഘടിപ്പിച്ചു. ക്യാംപിന്റെ ഭാഗമായി കണ്ണുരോഗ നിര്‍ണയവും തിമിരി രോഗ നിര്‍ണയവും നടത്തി. മാങ്ങാട്ടുക്കര എ.യു.പി സ്‌ക്കൂളില്‍ നടന്ന ക്യാംപ് ഗീത ഗോപി എം.എല്‍.എ ഉദ്ഘാടനം ചെയ്തു. ബാങ്ക് പ്രസിഡന്റ് ടി.ഐ ചാക്കോ അധ്യക്ഷനായി. വൈസ് പ്രസിഡന്റ് ധര്‍മ്മന്‍ പറത്താട്ടില്‍, ജോമോന്‍ പള്ളിക്കുന്നത്ത്, പഞ്ചായത്ത് അംഗങ്ങളായ മിനി പഴുപറമ്പില്‍, സരിത സുരേഷ്, ഷിജില്‍ പാലക്കാടി, അശോകന്‍ നമ്പിയത്ത്, ശശി വലിയ പുരക്കല്‍, സുജാത ചന്ദ്രന്‍, ബാങ്ക് സെക്രട്ടറി കെ.ആര്‍ റബീന സംസാരിച്ചു. ആര്യാ മെഡിക്കല്‍ സെന്ററിന്റെ സഹകരണത്തോടെയാണ് ക്യാംപ് സംഘടിപ്പിച്ചത്.