തൃശൂര്‍: ആക്ട്‌സ് മുതുവറ ബ്രാഞ്ചിന് പുതിയ ആംബുലന്‍സ് വാങ്ങുന്നതിനും മറ്റു ജീവകാരുണ്യ പ്രവര്‍ത്തനങ്ങള്‍ക്കുമായി ധനശേഖരണാര്‍ഥം ഇന്നുമുതല്‍ 30 വരെ പേരാമംഗലം മനപ്പടി പാലത്തിങ്കല്‍ ഗാര്‍ഡന്‍സില്‍ ആക്ട്‌സ് മുതുവറ ബ്രാഞ്ച് ഫെസ്റ്റ് നടത്തുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
രാവിലെ 10 മുതല്‍ വൈകീട്ട് 9 വരെ നടത്തുന്ന ഫെസ്റ്റിന്റെ പ്രവേശനം പാസ് മൂലമാണ്. ഇഷ്ടമുള്ള തുക സംഭാവനയായി നല്‍കി പാസ് കൈപ്പറ്റാം.
 12 വയസുവരേയുള്ള കുട്ടികള്‍ക്ക് സൗജന്യപ്രവേശനം നല്‍കും.
ചൊവ്വ, ബുധന്‍ ദിവസങ്ങളില്‍ ആക്ട്‌സ് അംഗങ്ങള്‍ക്കും കുടുംബങ്ങള്‍ക്കും പ്രവേശനം സൗജന്യമാണ്. പെറ്റ്‌സ് ആന്റ് ഫ്‌ളവര്‍ ഷോയാണ് ഫെസ്റ്റിന്റെ മുഖ്യ ആകര്‍ഷണം.
വിവിധയിനം കലാപരിപാടികളും സെമിനാറുകളും ഫെസ്റ്റില്‍ നടക്കും. ഇന്ന് രാവിലെ 10ന് കൈപ്പറമ്പ് ഗ്രാമപഞ്ചായത്ത് പ്രസിഡന്റ് സി ജെ ആന്റോ ഉദ്ഘാടനം ചെയ്യും.
വാര്‍ത്താസമ്മേളനത്തില്‍ ആക്ട്‌സ് മുതുവറ ബ്രാഞ്ച് പ്രസിഡന്റ് ആന്റണി പൈലി, സെക്രട്ടറി റാഫി ലാസര്‍, വൈസ് പ്രസിഡന്റ് സി ബി മുരളീധരന്‍, രക്ഷാധികാരി, കെ മുരളീധരന്‍, അലക്‌സ് പാലത്തിങ്കല്‍ പങ്കെടുത്തു.