മാനന്തവാടി: കല്ലോടി സെന്റ് ജോര്‍ജ് ഫൊറോന പള്ളിയുടെ വജ്രജൂബിലി ആഘോഷം ആരംഭിച്ചു. പള്ളിയില്‍ കൃതജ്ഞതാ ബലിയോടനുബന്ധിച്ച് നടന്ന ചടങ്ങില്‍ കണിയാരം കത്തീഡ്രല്‍ പള്ളി വികാരി ഫാ. ജോര്‍ജ് മൈലാടൂര്‍ ജൂബിലിയാഘോഷങ്ങള്‍ ഉദ്ഘാടനം ചെയ്തു.
 1943 ഏപ്രില്‍ 23നാണ് തലശ്ശേരി അതിരൂപതക്ക് കീഴില്‍ കല്ലോടിയില്‍ സീറോ മലബാര്‍ സഭയുടെ ദേവാലയം ആരംഭിച്ചത്.
ചടങ്ങില്‍ ഫൊറോന വികാരി ഫാ. ജോസ് കൊച്ചറക്കല്‍ അധ്യക്ഷനായി. കെ.എ ആന്റണി, പി.ജെ ഷൈജു, ജോര്‍ജ് പടകൂട്ടില്‍, ജോസ് കാക്കര കുന്നേല്‍, അബ്രാഹം കുരിശുംമൂട്ടില്‍, കെ.ടി വത്സ, വര്‍ക്കി മണിയത്ത്,  ഫാ. അനീഷ് കാട്ടാത്ത്, ജോസ് മച്ചുകുഴി, കെ.ജെ ലോറന്‍സ്, സാബു ചക്കാലക്കുടി സംസാരിച്ചു.