തൊടുപുഴ : മുസ്‌ലിം യൂത്ത് ലീഗിന്റെയും ശിഹാബ് തങ്ങള്‍ റിലീഫ് സെല്ലിന്റെയും പോപ്പച്ചന്‍ ചാരിറ്റബിള്‍ ട്രസ്റ്റിന്റെയും നേതൃത്വത്തില്‍ സംഘടിപ്പിക്കുന്ന  മെഗാ മെഡിക്കല്‍ കാംപ് നാളെ രാവിലെ 8.30 മുതല്‍ കാരിക്കോട് നൈനാര്‍ പള്ളി ഓഡിറ്റോറിയത്തില്‍ നടക്കും.സംഘാടക സമിതി ചെയര്‍മാന്‍ റ്റി.കെ നവാസിന്റെ അധ്യക്ഷതയില്‍ പി.ജെ ജോസഫ്് എം.എല്‍.എ കാംപ് ഉദ്ഘാടനം ചെയ്യും.
 മുഖത്തും കഴുത്തിന് മുകളിലുള്ള ഭാഗങ്ങളിലും കാണുന്ന വൈകല്യങ്ങള്‍, വിദഗ്ദ ഡോക്ടര്‍മാരുടെ പരിശോധനയ്ക്ക് ശേഷം ഏറ്റെടുക്കുകയും ഏഴ് ലക്ഷം രൂപ വരെയുള്ള ശസ്ത്രക്രിയും തുടര്‍ ചികിത്സയും സൗജന്യമായി ചെയ്ത് കൊടുക്കുന്നതാണ്. ഇതോടനുബന്ധിച്ച് സൗജന്യമായി രക്തനിര്‍ണയവും രക്തദാനവും നടത്തുന്നത്തു.
മുഖവൈകല്യ ചികിത്സാ കാംപിനെക്കുറിച്ച് പോപ്പച്ചന്‍ ട്രസ്റ്റ് ചെയര്‍മാന്‍ ഉമേഷ് പോപ്പച്ചന്‍ ക്ലാസ്സ് എടുക്കും. രക്തദാന ബോധവല്‍ക്കരണ ക്ലാസ് ഐ.എം.എ പ്രസിഡന്റ് ഡോ. പി.എന്‍. അജി നയിക്കും. മുസ്‌ലിം ലീഗ് സംസ്ഥാന സെക്രട്ടറി റ്റി.എം സലീം, ജില്ലാ പ്രസിഡന്റ് കെ.എം.എ ഷുക്കൂര്‍, ജനറല്‍ സെക്രട്ടറി എം.എസ്. മുഹമ്മദ്, നൈനാര്‍ പള്ളി ഇമാം കടയ്ക്കല്‍ അബ്ദുല്‍ റഷീദ് മൗലവി, നഗരസഭ ചെയര്‍പേഴ്‌സണ്‍ സഫിയ ജബ്ബാര്‍, ജമാഅത്ത് പ്രസിഡന്റ് പി.പി. അസീസ് ഹാജി, നഗരസഭാ സ്റ്റാന്റിംഗ് കമ്മിറ്റി ചെയര്‍മാന്‍ എ.എം ഹാരിദ് തുടങ്ങിയവര്‍ ആശംസകള്‍ അര്‍പ്പിക്കുമെന്ന് സംഘാടക സമിതി ഭാരവാഹികളായ റ്റി.കെ നവാസ്, ഇ.എ.എം അമീന്‍, പി.എച്ച്. സുധീര്‍, പി.എം നിസാമുദ്ദീന്‍ എന്നിവര്‍ അറിയിച്ചു.