അരീക്കോട്: ആധാരം ഓണ്‍ലൈന്‍ ആക്കുന്നതുമായി ബന്ധപ്പെട്ട് കീഴുപറമ്പ് വില്ലേജിലെ ബഹുഭൂരിഭാഗം ജനങ്ങള്‍ക്കും കഴിഞ്ഞ ആറു മാസമായി നികുതി അടക്കുന്നത് ഉള്‍പ്പെടെയുള്ള സേവനങ്ങള്‍ നിഷേധിക്കുന്നതില്‍ പ്രതിഷേധിച്ച് കീഴുപറമ്പ് പഞ്ചായത്ത് മുസ്‌ലിം ലീഗ് കമ്മിറ്റി വില്ലേജ് ഓഫിസ് മാര്‍ച്ച് നടത്തി. മാര്‍ച്ച് വില്ലേജ് ഓഫിസ് പരിസരത്ത് അരീക്കോട് പൊലിസ് മാര്‍ച്ച് തടഞ്ഞു.
മുസ്‌ലിം ലീഗ് ജില്ലാ സെക്രട്ടറി പി.പി സഫറുള്ള ഉദ്ഘാടനം ചെയ്തു. പഞ്ചായത്ത് പ്രസിഡന്റ് പി.കെ കമ്മദ് കുട്ടി ഹാജി, പ്രൊഫ കെ.എ നാസര്‍, കെ.സി.എ ശുക്കൂര്‍, പി.പി.എ റഹ്മാന്‍, ഒ.അബൂബക്കര്‍ സിദ്ദീഖ് സംസാരിച്ചു. പാറമ്മല്‍ അഹമ്മദ് കുട്ടി, ഗഫൂര്‍ കുറുമാടന്‍, എം.ടി അബ്ദുല്‍ മജീദ്, പി.പി ഹമീദ് മാസ്റ്റര്‍, എം.പി അബ്ദുറഹ്മാന്‍, വി.ടിഉസ്മാന്‍ തുടങ്ങിയവര്‍ നേതൃത്വം നല്‍കി.