മുല്ലശ്ശേരി: ജില്ലാ പഞ്ചായത്ത് 2017-2018 വര്‍ഷത്തെ വാര്‍ഷിക പദ്ധതിയില്‍ ഉള്‍പ്പെടുത്തി 50 ലക്ഷം രൂപ ചിലവഴിച്ച് നിര്‍മാണം നടത്തിയ മുല്ലശേരി താണവീഥി മാടകാക്കല്‍ റോഡ് നിര്‍മാണത്തിലെ അപാകതയും അഴിമതി മൂലം വ്യാപകമായി റോഡുകള്‍ കേടുപാടുകള്‍ സംഭവിച്ച സാഹചര്യത്തില്‍ അന്വേഷണം നടത്തി കുറ്റക്കാരെ കണ്ടെത്തി മാത്യകാപരമായി ശിക്ഷിക്കണമെന്ന് ആവശ്യപ്പെട്ട് മുല്ലശേരി മണ്ഡലം കോണ്‍ഗ്രസ് കമ്മിറ്റിയുടെ നേത്യത്വത്തില്‍ മുല്ലശേരിയില്‍ പ്രകടനവും, പൊതുയോഗവും നടത്തി.
പരിപാടി ഡി.സി.സി. ജനറല്‍ സെക്രട്ടറി പി.കെ.രാജന്‍ ഉദ്ഘാടനം ചെയ്തു. മണ്ഡലം പ്രസിഡന്റ് എം.ബി. സെയ്തുമുഹമ്മദ് അധ്യക്ഷനായി.
ഡി.സി.സി. മെമ്പര്‍ ക്ലമന്റ് ഫ്രാന്‍സിസ്, യൂത്ത് കോണ്‍ഗ്രസ് മണലൂര്‍ നിയോജക മണ്ഡലം വൈസ് പ്രസിഡന്റ് ലിജോ പനക്കല്‍, ബ്ലോക്ക് കോണ്‍ഗ്രസ് കമ്മിറ്റി സെക്രട്ടറിമാരായ പി.ബി സലാം, റഷിദ് മതിലകത്ത്, പഞ്ചായത്തംഗങ്ങളായ പി.എ കൃഷ്ണന്‍ക്കുട്ടി, ബബിതാ ലിജോ , എ.എല്‍ ജേക്കബ്, ജമാല്‍ തിരനെല്ലൂര്‍, മോഹനന്‍ വാഴപ്പിള്ളി, എ.എസ് മണ്ണി, മാത്യൂസ് മുല്ലശേരി, സംസാരിച്ചു.