നന്തി: ജാമിഅ ദാറുസ്സലാം അല്‍ ഇസ്‌ലാമിയ്യയുടെ 43-ാം വാര്‍ഷിക 14-ാം സനദ്ദാന സമ്മേളനത്തിന് നാളെ തുടക്കമാകും. വിവിധ സെഷനുകളിലായി വൈവിധ്യമാര്‍ന്ന വൈജ്ഞാനിക സാംസ്‌കാരിക പരിപാടികളാണ് നാളെ മുതല്‍ നടക്കുക.
രാവിലെ ഒന്‍പതിന് ഉദ്ഘാടന സമ്മേളനം അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. ടി.എസ് ഇബ്രാഹിം മുസ്്‌ലിയാര്‍ അധ്യക്ഷനാകും. സമ്മേളനത്തോടനുബന്ധിച്ച് പുറത്തിറക്കുന്ന സുവനീര്‍ തഖിയുദ്ദീന്‍ ഹൈത്തമി പ്രകാശനം ചെയ്യും. ആര്‍.കെ കുഞ്ഞബ്ദുല്ല ഹാജി വില്ല്യാപ്പള്ളി ഏറ്റുവാങ്ങും. ബാസിത്ത് നീരുട്ടിക്കല്‍ സുവനീര്‍ പരിചയപ്പെടുത്തും.

തുടര്‍ന്ന് നടക്കുന്ന നാഷനല്‍ ഹിഫ്‌ള് കോംപറ്റീഷന് അസ്അദ് ഹുസൈന്‍ അല്‍ ഖാസിമി ബിഹാര്‍ നേതൃത്വം നല്‍കും. രാത്രി ഒന്‍പതിന് നടക്കുന്ന അവാര്‍ഡ് സംഗമം സാദിഖലി ശിഹാബ് തങ്ങള്‍ ഉദ്ഘാടനം ചെയ്യും. ഖാരിഅ് അബ്ദുല്‍ ഖാദര്‍ മുസ്്‌ലിയാര്‍ മുണ്ടേരി അധ്യക്ഷനാകും. പാലത്തായി മൊയ്തു ഹാജി, നടുക്കണ്ടി കുഞ്ഞബ്ദുല്ല ഹാജി കുന്നുമ്മക്കര, പി.പി അന്ത്രു ഹാജി ഓര്‍ക്കാട്ടേരി എന്നിവര്‍ അവാര്‍ഡ്ദാനം നിര്‍വഹിക്കും. അഹ്്മദ് സുഹൈല്‍ ഹൈത്തമി പള്ളിക്കര പ്രഭാഷണം നടത്തും. വരുന്ന നാലു ദിവസങ്ങളിലായി നടക്കുന്ന സമ്മേളനത്തിന്റെ ഒരുക്കങ്ങള്‍ പൂര്‍ത്തിയായതായി ഭാരവാഹികള്‍ അറിയിച്ചു.