ശ്രീനഗര്‍: കുപ്‌വാരയില്‍ സൈനിക താവളത്തിന് നേരെയുണ്ടായ ആക്രമണത്തിന് പിന്നാലെ പഞ്ച്ഗാം, കരാള്‍പോറ എന്നിവിടങ്ങളില്‍ സുരക്ഷാ സേനയും നാട്ടുകാരും തമ്മിലുണ്ടായ ഏറ്റുമുട്ടലില്‍ ഒരാള്‍ മരിച്ചു.
സൈന്യത്തിനുനേരെ മുദ്രാവാക്യം വിളിച്ച് കല്ലേറ് നടത്തിയവര്‍ക്കെതിരായി നടത്തിയ വെടിവയ്പിലാണ് തദ്ദേശീയനായ ആള്‍ മരിച്ചത്.
പഞ്ച്ഗാം സ്വദേശിയായ മുഹമ്മദ് യൂസഫ് ഭട്ട്(45) ആണ് മരിച്ചതെന്ന് പൊലിസ് അറിയിച്ചു. സൈനിക നടപടിയില്‍ 10 പേര്‍ക്ക് പരുക്കേല്‍ക്കുകയും ചെയ്തിട്ടുണ്ട്.