വടക്കാഞ്ചേരി: സംസ്ഥാന പാതയില്‍ റെയില്‍വേ സ്റ്റേഷന്‍ പരിസരത്ത് ബൈക്ക് നിയന്ത്രണം വിട്ട് മതിലിലിടിച്ച് യുവാവിന് പരുക്കേറ്റു.
റെയില്‍വേ സ്റ്റേഷന്‍ പരിസരത്ത് താമസിക്കുന്ന നെയ്യന്‍ വീട്ടില്‍ ഷിനില്‍(28)നാണ് പരുക്കേറ്റത്.
ഇന്നലെ പുലര്‍ച്ചെ 12 മണിയോടെയായിരുന്നു അപകടം. വടക്കാഞ്ചേരി കണ്‍സ്യൂമര്‍ ഫെഡ് വിദേശമദ്യ വില്‍പന ശാലയിലെ ജീവനക്കാരനായ ഷിനില്‍ വടക്കാഞ്ചേരിയില്‍ നിന്ന് വീട്ടിലേക്ക് വരുന്നതിനിടയിലായിരുന്നു അപകടം. കാലിന് പരുക്കേറ്റ യുവാവിനെ വടക്കാഞ്ചേരി ആക്ട്‌സ് പ്രവര്‍ത്തകര്‍ ചേര്‍ന്ന് മുളങ്കുന്നത്തുകാവ് മെഡിക്കല്‍ കോളജില്‍ പ്രവേശിപ്പിച്ചു.