താനൂര്‍: വ്യാജ വാട്‌സ്ആപ്പ് ഹര്‍ത്താലിന്റെ പേരില്‍ താനൂരില്‍ അക്രമം നടത്തിയ കേസില്‍ രണ്ടു പേരെ കൂടി പൊലിസ് അറസ്റ്റ് ചെയ്തു. താനൂര്‍ പുതിയ കടപ്പുറം കടവണ്ടിപുരയ്ക്കല്‍ യൂസഫ്‌കോയ (19), പരീക്കാക്കന്റെ പുരയ്ക്കല്‍ ഹബീബ് (22) എന്നിവരെയാണ് താനൂര്‍ പൊലിസ് അറസ്റ്റ് ചെയ്തത്.

ഏപ്രില്‍ 16ന് നടന്ന ഹര്‍ത്താലില്‍ സര്‍വിസ് നടത്തിക്കൊണ്ടിരുന്ന കെ.എസ്.ആര്‍.ടി.സി ബസ് തകര്‍ക്കല്‍, പൊലിസിനെ അക്രമിക്കല്‍, താനൂരിലെ വ്യാപാര സ്ഥാപനങ്ങള്‍ തകര്‍ക്കല്‍ എന്നി കുറ്റങ്ങളാണ് ഇവര്‍ക്കെതിരെ ചുമത്തിയിരിക്കുന്നത്. പരപ്പനങ്ങാടി കോടതിയില്‍ ഹാജരാക്കിയ പ്രതികളെ കോടതി റിമാന്റ് ചെയ്തു.