മലപ്പുറം: ബ്ലോക്ക്  പഞ്ചായത്ത് വാര്‍ഷിക പദ്ധതികളുടെ ആസൂത്രണവുമായി ബന്ധപ്പെട്ട് വികസന സെമിനാര്‍ നടത്തി.
ബ്ലോക്ക്  പഞ്ചായത്ത് ഹാളില്‍ നടന്ന സെമിനാര്‍ ജില്ലാ പഞ്ചായത്ത് വൈസ് പ്രസിഡന്റ് സക്കീന പുല്‍പ്പാടന്‍ ഉദ്ഘാടനം  ചെയ്തു. ബ്ലോക്ക് പഞ്ചായത്ത് പ്രസിഡന്റ് കെ. സലീന ടീച്ചര്‍ അധ്യക്ഷയായി. ജില്ലാ  പഞ്ചായത്തംഗങ്ങളായ ഉമ്മര്‍ അറക്കല്‍, സൈദ് പുല്ലാണി, ബ്ലോക്ക് പഞ്ചായത്ത് വൈസ് പ്രസിഡന്റ് വി.എ  റഹ്മാന്‍, സ്ഥിരംസമിതി അധ്യക്ഷ നസീബ ടീച്ചര്‍, ജോയന്റ് ബി.ഡി.ഒ വിജി ജോസ് സംസാരിച്ചു.
പഞ്ചായത്ത് പ്രസിഡന്റുമാര്‍, ബ്ലോക്ക്, ഗ്രാമ പഞ്ചായത്ത് അംഗങ്ങള്‍, വിവിധ മേഖലയിലെ ഉദ്യോഗസ്ഥര്‍ തുടങ്ങിയവര്‍ ചര്‍ച്ചയില്‍ പങ്കെടുത്തു.
മൂന്നരകോടിയോളം രൂപ പൊതുവിഭാഗത്തിലും 79 ലക്ഷം രൂപ പട്ടികജാതി വിഭാഗത്തിലും പതിനാറായിരം രൂപ പട്ടിക  വര്‍ഗവിഭാഗത്തിലുമായി മൊത്തം 4,64,99,000 രൂപക്കുള്ള വിവിധ പദ്ധതികള്‍ക്ക് വികസന സെമിനാര്‍  അംഗീകാരം നല്‍കി.