തൃശൂര്‍: ശബരിമല തെരഞ്ഞെടുപ്പില്‍ വിഷയമാകില്ലെന്ന് സി.പി.ഐ സംസ്ഥാന സെക്രട്ടറി കാനം രാജേന്ദ്രന്‍. ആര്‍.എസ്.എസിന്റെ അജന്‍ഡയില്‍ ഇടതുമുന്നണി വീഴില്ല. എന്നാല്‍ ശബരിമല പ്രചാരണ വിഷയമാക്കുമ്പോള്‍ അത് പ്രതിരോധിക്കുമെന്നും അദ്ദേഹം പറഞ്ഞു. തൃശൂര്‍ പ്രസ് ക്ലബ്ബിന്റെ രാഷ്ട്രീയം പറയാം തെരഞ്ഞെടുപ്പ് സംവാദത്തില്‍ സംസാരിക്കുകയായിരുന്നു അദ്ദേഹം.ചില മാധ്യമങ്ങള്‍ സ്വന്തം താല്‍പ്പര്യാര്‍ഥം അവതരിപ്പിക്കുന്ന സര്‍വെ ഫലങ്ങളെയല്ല, ജനങ്ങളെയാണ് ഇടതുപക്ഷം വിശ്വസിക്കുന്നത്. തെരഞ്ഞെടുപ്പ് പ്രഖ്യാപിക്കുന്നതിനു മുന്‍പേ സര്‍വെ നടത്തി എല്‍.ഡി.എഫിനെ ദുര്‍ബലപ്പെടുത്താമെന്ന് ആരും കരുതേണ്ടന്നും കാനം പറഞ്ഞു.