ബെര്‍ലിന്‍: ജര്‍മനിയിലെ ട്രെയിന്‍ യാത്രക്കാര്‍ക്ക് നേരെ 17 കാരന്റെ കോടലി ആക്രമണം. തിങ്കളാഴ്ച്ച വൈകീട്ടോടെയായിരുന്നു അക്രമണം നടന്നത്. അക്രമി കോടാലിയും കത്തിയും ഉപയോഗിച്ച് യാത്രക്കാരെ വെട്ടി പരുക്കേല്‍പ്പിക്കുകയായിരുന്നു.

അക്രമത്തില്‍ 15 ഓളം പേര്‍ക്ക് പരുക്കേറ്റിട്ടുണ്ട്. 17 വയസുകാരനായ അഫ്ഗാന്‍ പൗരനാണ് അക്രമിയെന്നും ഇയാളെ പിന്നീട് പൊലിസ് വെടിവെച്ചു കൊന്നതായും ആഭ്യന്തരമന്ത്രാലയം അറിയിച്ചു. അക്രമം നടത്തിയതിന്റെ കാരണം വ്യക്തമല്ല.