അബൂദബി: മിസ്റ്റര്‍ ബീസ്റ്റ് എന്നറിയപ്പെടുന്ന യൂട്യൂബ് താരം ജയിംസ് ഡൊണാള്‍ഡ്‌സണ്‍ ദുബൈയിലെ ബുര്‍ജ് ഖലീഫ കീഴടക്കി. ലോകത്തിലെ ഏറ്റവും ഉയരം കൂടിയ കെട്ടിടമായ ബുര്‍ജ് ഖലീഫയില്‍ മിസ്റ്റര്‍ ബീസ്റ്റ് കയറിയ വിഡിയോ ഇതിനകം തന്നെ ദശലക്ഷക്കണക്കിന് ആളുകളാണ് കണ്ടത്.

'ഞാന്‍ അത് ചെയ്തു! ലോകത്തിലെ ഏറ്റവും ഉയരം കൂടിയ കെട്ടിടത്തിന്റെ മുകളിലാണ് ഞാന്‍ നില്‍ക്കുന്നത്. ഇത് ഭയപ്പെടുത്തുന്നതാണ് ഞാന്‍ താഴേക്ക് നോക്കാന്‍ പാടില്ലായിരുന്നു ' ബുര്‍ജ് ഖലീഫയുടെ മുകളിലെത്തിയ മിസ്റ്റര്‍ ബീസ്റ്റ് പറഞ്ഞു.

$1 മുതല്‍ $500,000 വരെ ചെലവ് വരുന്ന വിവിധ യാത്രാനുഭവങ്ങള്‍ പരീക്ഷിച്ച വിഡിയോ മിസ്റ്റര്‍ ബീസ്റ്റ് യൂട്യൂബില്‍ പങ്കുവച്ചിരുന്നു ഈ ദൗത്യത്തിലെ ഗ്രാന്‍ഡ് ഫിനാലെയായിട്ടാണ് മിസ്റ്റര്‍ ബീസ്റ്റ് ബുര്‍ജ് ഖലീഫ കീഴടക്കാന്‍ തീരുമാനിച്ചത്. ഒട്ടക സവാരി, അറ്റ്‌ലാന്റിസിലെ സ്യൂട്ടിലെ താമസം, ദുബൈ ഓട്ടോഡ്രോമിലെ സൂപ്പര്‍കാര്‍ റേസ്, സ്‌കൈ ഡൈവിങ് തുടങ്ങിയ യാത്രാനുഭവങ്ങളാണ് താരം ഇതിന് മുന്‍പ് ദുബൈയില്‍ നടത്തിയത്.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

YouTube sensation Mr. Beast pulls off an epic stunt at Dubai's iconic Burj Khalifa, leaving fans amazed.