തൊടുപുഴ: കേരള സ്‌റ്റേറ്റ് വസ്തു വ്യാപാര തൊഴിലാളി യൂനിയന്‍ (എ ഐ ടി യു സി) സംസ്ഥാന സമ്മേളനം ആറ്, ഏഴ് തീയതികളില്‍ തൊടുപുഴയില്‍ നടത്തുമെന്ന് സംസ്ഥാന ആക്ടിങ് പ്രസിഡന്റ് കെ.ആര്‍ ഷാജി വാര്‍ത്താസമ്മേളനത്തില്‍ പറഞ്ഞു. ആറിന് ഉച്ചകഴിഞ്ഞ് രണ്ടിന് മുനിസിപ്പല്‍ ടൗണ്‍ ഹാളില്‍ നടത്തുന്ന പ്രതിനിധി സമ്മേളനം കെ. പി രാജേന്ദ്രന്‍ ഉദ്ഘാടനം ചെയ്യും.
 വൈകിട്ട് അഞ്ചിന് മുനിസിപ്പല്‍ മൈതാനത്ത്  നടക്കുന്ന പൊതുസമ്മേളനം സി പി ഐ സംസ്ഥാന സെക്രട്ടറി കാനം രാജേന്ദ്രന്‍ ഉദ്ഘാടനം ചെയ്യും.  
വാഴൂര്‍ സോമന്‍ അധ്യക്ഷനാകും.
ഏഴിന്  രാവിലെ  11ന് 'വസ്തു വ്യാപാരത്തിലെ പുതിയ പ്രതിസന്ധിയും പരിഹാര മാര്‍ഗങ്ങളും' എന്ന വിഷയത്തില്‍ നടക്കുന്ന സെമിനാര്‍ ജെ. ഉദയഭാനു ഉദ്ഘാടനം ചെയ്യും. കെ. കെ. ശിവരാമന്‍ മോഡറേറ്ററാകും.
  കേരളത്തിലെ വിവിധ ജില്ലകളില്‍ നിന്ന് 300 പ്രതിനിധികള്‍  സമ്മേളനത്തില്‍ പങ്കെടുക്കും.
വാര്‍ത്താ സമ്മേളനത്തില്‍ കെ എസ് വി വി റ്റി യു സംസ്ഥാന ആക്ടിംഗ് പ്രസിഡന്റ് കെ ആര്‍ ഷാജി,ജനറല്‍ സെക്രട്ടറി കെ രാധാകൃഷ്ണന്‍,എം ആര്‍ നാരായണന്‍,റ്റി സി ഡാമിയന്‍,എം എ ഹനീഫ,ജോഷി തയ്യില്‍,കെ ജെ ജോസഫ് പങ്കെടുത്തു.